Psa 119 | CopSahBible2 | STEP | ⲧⲱⲇⲏ ⲛⲛⲧⲱⲣⲧⲣ ⲁⲓϫⲓϣⲕⲁⲕ ⲉϩⲣⲁⲓ ⲉⲣⲟⲕ ⲡϫⲟⲉⲓⲥ ⲛⲧⲉⲣⲓϩⲱϣ ⲁⲩⲱ ⲁⲕⲥⲱⲧⲙ ⲉⲣⲟⲓ

Psalms 119

1 ⲧⲱⲇⲏ ⲛⲛⲧⲱⲣⲧⲣ ⲁⲓϫⲓϣⲕⲁⲕ ⲉϩⲣⲁⲓ ⲉⲣⲟⲕ ⲡϫⲟⲉⲓⲥ ⲛⲧⲉⲣⲓϩⲱϣ ⲁⲩⲱ ⲁⲕⲥⲱⲧⲙ ⲉⲣⲟⲓ 2 ⲡϫⲟⲉⲓⲥ ⲙⲁⲧⲟⲩϫⲉⲧⲁⲯⲩⲭⲏ ⲉⲃⲟⲗ ϩⲛ ϩⲉⲛⲥⲟⲧⲟⲩ ⲛϫⲓⲛϭⲟⲛⲥ ⲁⲩⲱ ⲉⲃⲟⲗ ϩⲛ ⲟⲩⲗⲁⲥ ⲛⲕⲣⲟϥ 3 ⲉⲩⲛⲁϯⲟⲩ ⲛⲁⲕ ⲏ ⲛⲥⲉⲟⲩⲉϩ ⲟⲩ ⲉⲣⲟⲕ ⲛⲛⲁϩⲣⲙ ⲡⲗⲁⲥ ⲛⲕⲣⲟϥ 4 ⲛⲥⲟⲧⲉ ⲙⲡϫⲱⲱⲣⲉ ⲧⲏⲙ ⲙⲛ ⲛⲁⲛⲑⲣⲁⲝ ⲛⲧⲉⲡϫⲁⲓⲉ 5 ⲟⲩⲟⲓ ⲛⲁⲓ ϫⲉ ⲁⲡⲁⲙⲁ ⲛϣⲱⲡⲉ ⲟⲩⲉ ⲁⲓⲟⲩⲱϩ ϩⲛ ⲙⲙⲁ ⲛϣⲱⲡⲉ ⲛⲕⲏⲇⲁⲣ 6 ⲁⲧⲁⲯⲩⲭⲏ ⲣⲣⲙⲛϭⲟⲓⲗⲉ ⲉⲙⲁⲧⲉ 7 ⲛⲉⲓⲟ ⲛⲉⲓⲣⲏⲛⲓⲕⲟⲥ ⲙⲛ ⲛⲉⲧⲙⲟⲥⲧⲉ ⲛϯⲣⲏⲛⲏ ⲉⲓϣⲁⲛϣⲁϫⲉ ⲛⲙⲙⲁⲩ ϣⲁⲩϯⲟⲩⲃⲏⲓ ⲉⲡϫⲓⲛϫⲏ